Assalamu calaykum waraxmatulaahi wabarakaatuh

Hooyo iyo aabe walbaa waxay leeyhiniin rajo ay ka qabaan caruurtooda inay ka arkaan wax wanaagsan iyo mustaqbal iftiin leh. taasoo ka dhigaysa inay il gaara ku eegaan lana socdaan waxa ku soo kordha ilmaha una noqdaan iyagu tusale wanaagsan ma ogtahay in ilmahaaga wax walbood sameyso u arko wax wanaagsan haba xumaadee?, ma ogtahay inuu kuu arko tusaale midka ugu wanaagsan ee uu ku dayan karo? ma ogtahay inuu kaa qaato dabeecadaha qaar. Hooyadu mala socotaa inuusan ilmaheedu ka nuugin caano kaliya ee uu ka nuugo naxariis iyo jacayl

Tusaale dhinaca runta u noqo ilmahaga ma taqaan inuu beenta ka barto markaa ku tiraahdo aabo ma joogo ku dheh adoo jooga !! nin fanaan ah ayaa maalin ka sheekaynayay wuxuu lahaa maalintaas ayaan iska daayay beenta nin saaxibkay ah ayaa telefon ii soo diray ana ma rabin inan la hadlo markaa wiilkayga yar ayaan ku iri waxaa ku tiraahdaa aabo ma joogo, wiilkii markuu ninkii telkii ka qabtay ayuu ku yiri aabe wuxuu ku leeyahay ma joogo ku dheh !! ilmaha markaa ku tiraahdo been ha sheegin adigii tusalaha u ahaana aad sheegayso waxay noqonaysaa maahmaahdii carbeed ee ahayd ((Laa tanha can khuluqin wa ta ,tii mithlahaa caarun calayka idaa facalta cadiimun)) taasoo macnaheedu yahay ha reebin dabeecad ama dhaqan adiguna aad la timado iyadoo kale ceeb weyn weeye hadaa sameyso sidaa ..

Quraanka bar ilmahaaga adoo jecleysiinaya haku dilin quraanka ilmaha si uusan u nicin jeclaysii waxad ka yeeshaa inuu ku farxo quraanka akhriskiisa iyo xifdintiisaba abaal marin sii haduu xafido Juz ama ka yar ba ha noqdee ku dhiiri geli inuu sidaa ku wado ,

Waqti uu ku ciyaaro ilmaha u ogoloow. waayo ciyaarta waa wax ku abuuran ilmaha ilmo aanan ciyaareyn waa ilmo xanunsan ! u ogolow inaa siiso waqti ciyaar , waqti waxbarasho, waqti aad isla qaadataan ood ka wareysato xaalkiisa ,,

Su,aalaha caruurta waa kuwo qariib ah .hala yaabin su,aalahaaas ee uga jawaab si uu fahmi karo caqligiisa . ha oran naga aamus maxay tahay waxad waydiinayso doqon yahow ama doqon yahay, ma waxan ayaa la is waydiiyaaa ,? Matalan waxaa dhacda in ilmuhu ku waydiiyo , aabe iyo hooyo maxa isu tihin ? xagee ka soo baxay markii lay dhalayay, si caqligiisa le,eg uga jawaab adoon been u shegayn ama hadalka ku celinayn haka dhaadhicin waxyaalo khuraafaad ah sida inaa tiraahdo waan ku soo helay, calooshaydaa la jeexay ka dibna halkaas ayaad ka soo baxday

Caqiidada ilmaha sax ha uga sheekeyn sheekooyin khiyaal ah sida sheekooyin ku abuuri kara caqiido xumo sida inaa uga sheekayso nin cirka u duula dhulka hoos gala , wax walba burburiya aan cidna ka sareyn,, (super man) waxaas ilmaha caqiidadiisa ayay baabi,isaa ilaa uu rumeysto inuu jiro cid aan Allah ahayn oo wax walba sameyn karta aan laga adkaan!

Uga sheekee ilmaha sheekooyin caqligiisa iyo maskaxdiisaba dhisa sheekooyin faaiido leh, sheekooyin caqiidadiisa aan waxba u dhimayn. Sheekooyin run ah .

Ha u kala eexan caruurtaada waa dulmi iyo wax uusan ilaawi doonin ilmuhu waligiis , Rasuulku salalahu calayhi wasalim wuxuu yiri (( ilaahay ka baqa oo cadaalad u sameeya caruurtiina ) ha u kala soocin wiil iyo gabar mid weyn iyo mid yar.