WQ:Najma Saciid
18-06-2010
najma@khadijahome.com

Bismillaah

Waxaan wada ognahay in dahaaradu tahay iimaanka badhkii ,waxaan kaloo ognahay in dahaaro la,aan ayna asnxayn acmaasha   qaarkood sida salaada .soonka . xajka  (camalada xajka qaarkood) iwm.

Hadaba su,aasha aan is waydiin karnaa waxay tahay sideen isaga daahirinayaa Xaydka(dhiiga caadada) ? maxaa la iga rabaa inaan sameeyo?

Ma biyaha unbaan  isku shushubaa  ka dibna saas ayaan ku daahir noqday ! mise? muxuu uga duwan yahay maydhashadayda kale?

Iinsha Allah  qodobo sahlan  oo ka midda talaabooyinka aan qaadayno markaan rabno inan iska daahirino  dhiiga caadada ayaan sheegi doonaa.hadii ilaahay yiraahdo.

1... marka ugu horeysa waxaad niyaysataa inaad iska daahirinayso Xayd.waayo niyada weeye waxa kala  saaraya  maydhashadaada caadiga ah iyo  isdaahirintaadan. Tani waa Cibaado ka midda cibaadooyinka. hadaadan niyo  la imaan   waxay noqonaysaa adoo iska qubeystay qubeys caadi ah oo kale,  niyaduna waa qalbiga ee maaha inaa leedahay  oo ku dhawaaqayso (Nawaytu) iwm. 

2... si fiicana u maydh  farjiga(xubinta taranka ) waxaad kaloo sameysaa oo Suno ah inaad  maro yar  intaa soo qaadato wax udgoona mariso ku masaxdo farjiga adoo raacraacaya raadkii dhiiga si urku u tago.

3... Bismilaah dheh , hadaad suuliga ku jirto niyada ayaad ka leedahay, sadexjeer maydh gacmahaaga  ka dibna   waysayso sida waysadii salaada oo kale. culimada qaar waxay leeyihin marka la waysaysanayo  lugaha waa laga tagayaa  oo marka u danbaysaa la maydhayaa qaarna  cagsiga.

4... waxaad maydhaa dhamaan jidhkaaga dhan adoo ka bilaabaya dhinacaaga midig. Sadex jeer ku shub madaxaaga biyaha   adoo ka bilaabaya dhinaca midig.

5... si fiicana u gelgeli biyaha timaha ilaa ay wada qoyaan  gunta timahana gaarsii biyaha , hadey  daban yihin( tidcan yihin) furfur  hadaa ka baqdo inay biyuhu si fican u gaari waayaan ka dib wada gaarsii biyaha jidhkaaga oo dhan.

6... markaa dhameyso intaa lugahaaga ku maydh  meel kale oo ka durugsan xoogaa mesha ku maydhanaysay.

Nb... hadeey waysadu kaa jabtay(burtay) intaa ku guda jirtay  maydhashada sida inaa taabatay si toosa  xubintii taranka  ku soo celi waysadii hadii kale waysadaadii hore ayaa kugu filan .

Nb... Timaha tidcan culimada qaar waxay leeyihin qasab maaha in la furfuro hadii biyaha  jirrida madaxa la gaarsiinayo   marka la furfurayo Tidica waa marka laga cabsi qabo in  biyuhu gaari waayaan jirrida ama gunta madaxa  taasoo noqon karta in Tintii ahaato mid ka qalalan hoosta.

Wixii faahfaahin intaas dhaaf siisan waxaad ka helaysaa kutubta fiqhiga.

Wabilahi Towfiiq